امبارح كان اول يوم اكتب فيه في البلوج بتاعي وكونت مبسوطه اوي وانا بكتب......بس سبحان مغير الاحوال من حال الي حال دلوقتي بقيت في قمه الاحباط و عندي اكتئاب نفسي رهيب.... مش بس عشان اللي بيحصل في البلد و ان باي باي ثوره ..... بس عندي احساس ان في حاجه و حشه هتحصل هي ايه و هتحصل لمين معرفش but i can feel it in my bones بس بدعي ان يكون احساسي غلط مش ناقصه مصايب بقي كفايه اللي الواحد فيه........ يلا بلاش انكد عليكوا انتوا مش ناقصين كفايه علينا عوده الامن المركزي و سحله في الناس منور يا امـــــــــــــــــــــــــــــــــــــــــــــــــــــــــــــــــن معلش انا مزنوقه بس في سوال سياسي هو ايه الحكمه انهم يراشحوا (نبيل العربي) امين الجامعه العربيه ؟؟؟؟ ايه يبشيلوا بس بيشياكه يعني!! مع انوا و الله كان عامل شويه شغل زي الفل .... احنا كده ملناش في الطيب نصيب .
نظريه الكفتجه انك تجيب شويه افكار مسروقه و تجمعها علي بعض و تقول دي فكرتي كانك جيبت التايهه (هما صحيح لقوها ولا لسه) زي الكفتجي بالظبط شويه بواقي لحمه و كور و شوي مش معضله يعني... و هنا بقي احنا هنكفتج براحتنا و اللي مش عاجبه يطق يموت انا مال امي بيه اصلا
ليست هناك تعليقات:
إرسال تعليق